చెన్నైకి కృష్ణా జలాల సరఫరా కోసం జులై నాలుగో వారంలో నదీ యాజమాన్య బోర్డు కమిటీ సమావేశం కానుంది. నాలుగో వారంలో 20 నుంచి 24 మధ్య దృశ్యమాధ్యమ సమీక్ష ద్వారా సమావేశాన్ని నిర్వహించాలని బోర్డు నిర్ణయించింది. ఈ మేరకు మహారాష్ట్ర, కర్ణాటక, తెలంగాణ, ఆంధ్రప్రదేశ్, తమిళనాడు రాష్ట్రాల అధికారులకు బోర్డు సమాచారమిచ్చింది.
ఆయా రాష్ట్రాలు సమావేశాని హాజరుకావాలంటూ కృష్ణా బోర్డు సభ్యకార్యదర్శి హరకేష్ మీనా లేఖ రాశారు. సమావేశం కోసం ఈ నెల 13 లోగా ఎజెండా అంశాలను పంపాలని వారిని కోరారు. కర్ణాటక లేఖలపై అభిప్రాయాలను కూడా చెప్పాలని మిగతా రాష్ట్రాలకు సూచించారు.
