గ్రేటర్ హైదరాబాద్ పరిధిలోని పలుచోట్ల మంచినీటి సరఫరాకు అంతరాయం కలగనున్నట్లు జలమండలి వెల్లడించింది. మహానగరానికి మంచినీటి సరఫరా చేస్తున్న కృష్ణా ఫేజ్-1 చాంద్రాయ‌ణగుట్ట నుంచి కందిక‌ల్ గేట్ క్రాస్రోడ్డు వరకు పైపులైన్ విస్తరణ ప‌నులు చేప‌డుతుండటమే ఇందుకు కారణమని పేర్కొంది. ఈ మేరకు ఏప్రిల్ 1 ఉదయం 6 గంటల నుంచి 2వ తేదీ ఉదయం 6 గంటల వరకు నీటి సరఫరాను నిలిపివేయనున్నట్లు స్పష్టం చేసింది.
అంతరాయం ఎక్కడెక్కడంటే..
ఓ అండ్ ఎమ్ డివిజ‌న్ నెంబర్ 1 ప‌రిధిలో..
- మిరాలం రిజ‌ర్వాయ‌ర్
- కిష‌న్బాగ్ ప్రాంతం
ఓ అండ్ ఎమ్ డివిజ‌న్ నెంబర్ 2 ప‌రిధిలో..
- ఆల్ జుబైల్ కాలనీ
- అలియాబాద్ రిజ‌ర్వాయ‌ర్ ప్రాంతం
- బాలాపూర్ రిజ‌ర్వాయ‌ర్ ప్రాంతం
అంతరాయం నేపథ్యంలో వినియోగ‌దారులు నీటిని పొదుపుగా వాడుకోవాలని జలమండలి అధికారులు స్పష్టం చేశారు.
