కరోనా వ్యాప్తి కారణంగా వాయిదా పడ్డ ఇంటర్ పరీక్షలను పూర్తి చేసేందుకు తెలంగాణ ఇంటర్ బోర్డు సిద్ధమైంది. లాక్డౌన్ అమల్లోకి రావడం వల్ల మార్చి 23న జరగాల్సిన ఇంటర్ జాగ్రఫీ, మోడ్రన్ లాంగ్వేజ్ పరీక్షలు వాయిదాపడ్డాయి.
వాయిదాపడిన పరీక్షలను జూన్ 3న నిర్వహిస్తామని ఇంటర్ బోర్డు ప్రకటించింది. జూన్ 3న జరగనున్న మోడరన్ లాంగ్వేజ్, జాగ్రఫీ పరీక్షకు హాజరు కాలేకపోతే, అడ్వాన్స్డ్ సప్లిమెంటరీ రాయొచ్చని ఇంటర్ బోర్డు కార్యదర్శి సయ్యద్ ఉమర్ జలీల్ తెలిపారు. సప్లిమెంటరీ పరీక్షలో ఉత్తీర్ణులైన విద్యార్థులను కూడా రెగ్యూలర్ విద్యార్థులు గానే గుర్తిస్తామని ఇంటర్ బోర్డు కార్యదర్శి తెలిపారు.
జూన్ 3 నాటి పరీక్ష కోసం విద్యార్థులు ఇంటర్మీడియట్ బోర్డు వెబ్సైట్ నుంచి హాట్ టికెట్లు డౌన్లోడ్ చేసుకోవాలని సూచించారు. ఇంటర్ కాలేజీలు సోమవారం నుంచి పున:ప్రారంభం కావాల్సినప్పటికీ.. కరోనా పరిస్థితుల కారణంగా వాయిదా వేస్తున్నట్లు ఆయన తెలిపారు. జూనియర్ కాలేజీలు ఎప్పుడు ప్రారంభమవుతాయో తర్వాత ప్రకటిస్తామని జలీల్ పేర్కొన్నారు.
ఇదీ చూడండి : ప్రత్యేక రైళ్లలో వేళ్లేవారు ఆ సూచనలు పాటించాలి
