ఉత్తమ్ సాక్షిగా కాంగ్రెస్ నేతల మాటల యుద్ధం!
హైదరాబాద్ గాంధీభవన్‌లో జరిగిన కాంగ్రెస్ నాయకుల సమావేశంలో ఇద్దరు నేతల మధ్య తీవ్ర వాగ్వాదం చోటుచేసుకుంది. పీసీసీ అధ్యక్షుడు ఉత్తమ్‌కుమార్ రెడ్డి నేతృత్వంలో జీహెచ్ఎంసీ పరిధిలోని కాంగ్రెస్ నాయకులు సమావేశమయ్యారు.
ఆ సమావేశంలో త్వరలో జరుగనున్న జీహెచ్ఎంసీ ఎన్నికలపై చర్చించారు. ఈ సందర్భంగా ఏఐసీసీ అధికార ప్రతినిధి దాసోజు శ్రవణ్, పీసీసీ ప్రధాన కార్యదర్శి నిరంజన్ల మధ్య మాటమాటా పెరిగి వాగ్వాదానికి దారి తీసింది. అదే సమయంలో పీసీసీ అధ్యక్షుడు ఉత్తమ్‌కుమార్ రెడ్డి జోక్యం చేసుకుని వారిద్దరి మధ్య చోటుచేసుకున్న గొడవను సద్దుమణిగేలా చేశారు.
ఇదీ చూడండి : 'కేసీఆర్ అసెంబ్లీని ఫామ్ హౌస్లో పెట్టుకుంటే బాగుంటుంది'
