BRS Party main office Inauguration in Delhi : ఈనెల 14న దిల్లీలో భారత్ రాష్ట్ర సమితి పార్టీ కేంద్ర కార్యాలయ ప్రారంభోత్సవానికి సంబంధించి ఏర్పాట్లు చురుగ్గా సాగుతున్నాయి. ఈ మేరకు ఆ రోజు నిర్వహించే కార్యక్రమాలను మంత్రి వేముల ప్రశాంత్ రెడ్డి, రాజ్యసభ సభ్యుడు జోగినపల్లి సంతోశ్ కుమార్ పరిశీలించారు. ఈ నెల 14న దిల్లీలోని సర్దార్ పటేల్ మార్గ్లో బీఆర్ఎస్ కేంద్ర కార్యాలయాన్ని ప్రారంభించనున్న ముఖ్యమంత్రి కేసీఆర్ అనంతరం.. యాగం నిర్వహించనున్నారు. యాగశాల స్థలంతో పాటు ఆఫీస్ భవనంలో చేపట్టవలసిన మరమ్మతులు, ఫర్నిచర్ ఇతర పనులను ప్రముఖ వాస్తు నిపుణులు సుద్దాల సుధాకర్ తేజతో కలిసి మంత్రులు పర్యవేక్షించారు. కార్యాలయం ప్రారంభించేందుకు ముఖ్యమంత్రి రేపు దిల్లీ బయలుదేరి వెళ్లనున్నారు.
ఇవీ చదవండి:
