ఐసెట్ కౌన్సెలింగ్ మొదట విడత సీట్ల కేటాయింపు పూర్తయింది. ఎంబీఏ కోర్సులో 22,267 సీట్లు ఉండగా..13,721 సీట్లు మాత్రమే భర్తీ అయ్యాయి. రాష్ట్రంలోని 19 ప్రభుత్వ కళాశాలల్లో 1270 సీట్లలో 1185 సీట్లు కేటాయించారు. రాష్ట్రవ్యాప్తంగా 245 ప్రైవేట్ కళాశాలల్లో 20,997 సీట్లకు గాను 12,536 భర్తీ అయ్యాయి.
ఎంసీఏలో 1869 సీట్లు ఉండగా 1847 సీట్లను కేటాయించారు. ప్రభుత్వ సీట్లు అన్ని భర్తీ అయ్యాయి. మొదటి విడతలో సీటు పొందిన అభ్యర్థులు ఈనెల 19లోగా ఆన్లైన్లో సెల్ఫ్ రిపోర్టింగ్ చేయాలని ప్రవేశాల కమిటీ కన్వీనర్, సాంకేతిక విద్యాశాఖ కమిషనర్ నవీన్ మిత్తల్ తెలిపారు.
