కరోనాతో మరణ మృదంగం మోగిస్తోన్న ఇటలీలో హైదరాబాద్కు చెందిన విద్యార్థులు చిక్కుకున్నారు. భారత్కు తిరిగివచ్చేందుకు తాము చివరివరకు ప్రయత్నించినా... ఫలించలేదని వాపోయారు. ఇటలీలోని భారత రాయబార కార్యాలయాన్ని సంప్రదించినా తమకు సహకారం లభించట్లేదని ఆవేదన చెందుతున్నారు. ప్రస్తుతం భారత్లో దేశీయ, విదేశీ విమానాల రాకపోకలు నిలిపేశారు.
ఇటలీలో కరోనా విలయ తాండవం చేస్తుండటం వల్ల విద్యార్థులు మరింత భయాందోళనలకు గురవుతున్నారు. తమతోపాటు 130కు పైగా భారతీయ విద్యార్థులం ఇక్కడ చిక్కుకున్నామని అన్నారు. తమను స్వదేశం తీసుకువచ్చేందుకు కేంద్రం చొరవ చూపాలని సెల్ఫీ వీడియో ద్వారా అభ్యర్థిస్తున్నారు.
మమ్మల్ని స్వదేశానికి రప్పించండి : విద్యార్థులు
