వరదసాయం కోసం బాధితుల ఆందోళన

రాష్ట్ర ప్రభుత్వం అందిస్తున్న పదివేల రూపాయల వరదసాయం కోసం బాధితులు ఆందోళన వ్యక్తం చేశారు. హైదరాబాద్​లోని లంగర్​హౌజ్​కు చెందిన ప్రశాంత్​నగర్ రెండో ఫేజ్​ వాసులు ధర్నా నిర్వహించారు. ఇంతవరకు ఒక్కరూపాయి సాయం అందలేదని వాపోయారు.

హైదరాబాద్​లో వరదసాయం అందలేదంటూ ప్రజలు ఆందోళనకు దిగారు. లంగర్​హౌజ్​కు చెందిన ప్రశాంత్​నగర్​ రెండో ఫేజ్​ వాసులు ప్రభుత్వంపై ఆగ్రహంగా ఉన్నారు. వారం గడుస్తున్నా ఇంతవరకు ఒక్కరూపాయి సాయం అందలేదని వాపోయారు.

అధికారులు, నాయకులు పక్షపాత ధోరణితో వ్యవహరిస్తున్నారని, వారికి అనుకూలమైన వారికే ఆర్థికసాయం అందిస్తున్నారని మండిపడ్డారు. ఇప్పటికైనా అధికారులు స్పందించి తమను ఆదుకోవాలని వారు కోరుతున్నారు.

ఇదీ చూడండి:నేటి నుంచి అమల్లోకి కొత్త రెవెన్యూ చట్టం