విద్యార్థుల ఆత్మహత్యలు ప్రభుత్వ హత్యలే:విహెచ్​

ఇంటర్​ ఫలితాల అవకతవకలపై విచారణ జరిపించాలని, విద్యార్థులకు న్యాయం చేయాలని ఎస్​ఎప్​ఐ డీవైఎఫ్​ఐ నాయకులు చేపట్టిన దీక్షకు పలువురు సంఘీభావం ప్రకటించారు. హైదరాబాద్​ ఆర్టీసీ క్రాస్​ రోడ్డులో ఎస్​ఎఫ్​ఐ కార్యాలయంలో దీక్ష శిబిరాన్ని కాంగ్రెస్​ నేత వి. హనుమంతరావు, మాజీ ఎమ్మెల్సీ నాగేశ్వర్​ సందర్శించారు.

ఇంటర్ ఫలితాలు అవకతవకలపై హైదరాబాద్ ఆర్టీసీ క్రాస్ రోడ్డులో ఎస్ఎఫ్ఐ డీవైఎఫ్ఐ చేపట్టిన నిరవధిక నిరాహార దీక్ష రెండో రోజుకు చేరింది. దీక్ష శిబిరాన్ని కాంగ్రెస్​ నేత వి. హనుమంతరావు, మాజీ ఎమ్మెల్సీ నాగేశ్వర్​ సందర్శించారు. కేసీఆర్ ప్రభుత్వం రెండేళ్లలో కుప్పకూలాలని పెద్దమ్మ తల్లిని కోరుకున్నట్లు విహెచ్​ చెప్పారు. ప్రభుత్వం ఇంటర్ ఫలితాల విషయంలో తప్పిదాలు కప్పిపుచ్చుకునేందుకు విద్యార్థుల ఆత్మహత్యలపై తప్పుడు ప్రచారాన్ని తెరపైకి తీసుకు వస్తున్నారని మాజీ ఎమ్మెల్సీ నాగేశ్వర్ అన్నారు.

ఇవీ చూడండి: కేరళ బయలుదేరిన ముఖ్యమంత్రి కేసీఆర్