రాజధానిలో కురుస్తున్న భారీ వర్షాల కారణంగా హిమాయత్‌సాగర్‌కు వరద రావడంతో జలాశయం నీటిమట్టం గరిష్ఠస్థాయికి చేరింది. పదేళ్ల తరువాత జలాశయం వరదనీటితో కళకళలాడుతోంది. ఎగువ నుంచి వస్తున్న ప్రవాహం దృష్టిలో ఉంచుకొని జలమండలి అధికారులు 14 గేట్లను ఎత్తి 17150 క్యూసెక్కుల నీటిని మూసీలోకి విడుదల చేస్తున్నారు. జలాశయానికి ప్రస్తుతం17200 క్యూసెక్యుల ఇన్ఫ్లో ఉంది.
హిమాయత్‌సాగర్ పూర్తిస్థాయి నీటి నిల్వ సామర్థ్యం 2.97 టీఎంసీలతో నిండుకుండను తలపిస్తోంది. పూర్తిస్థాయి నీటిమట్టం 1763.5 అడుగులకు చేరింది. దిగువకు నీటి విడుదలతో... లోతట్టు ప్రాంత వాసులను అధికారులు అప్రమత్తం చేశారు.
