4 రోజులకు 3 లక్షల 70 వేల రూపాయల బిల్లు​

కరోనా కంటే కార్పొరేట్​ ఆస్పత్రుల్లో కొవిడ్​ చికిత్సలకు వేసే బిల్​ చూస్తే వణికిపోతున్నారు జనాలు. లక్షల్లో బిల్లు చూసి అవాక్కవుతున్నారు. తాజాగా హైదరాబాద్​ కుషాయిగూడలోని ఓ ప్రైవేట్​ ఆస్పత్రికి ఓ కరోనా రోగికి నాలుగు రోజులకు 3 లక్షల 70 వేల బిల్​ వేశారు.

ఓ క్యాబ్ డ్రైవర్ తన తల్లికి కరోనా లక్షణాలున్నాయని పరీక్షలు చేయించాడు. కొవిడ్​ నెగిటివ్​ వచ్చింది. రెండు రోజుల తర్వాత ఆమె అస్వస్థతకు గురైంది. ఆమెను హైదారాబాద్​ కుషాయిగూడలోని ఓ ప్రైవేట్​ ఆస్పత్రికి తీసుకెళ్లారు. సాధారణ ఛార్జీలే వసూలు చేస్తామని మొదట్లో చెప్పిన ఆస్పత్రి యాజమాన్యం నాలుగు రోజులకి రూ.3 లక్షల 70 వేలు బిల్​ వేసింది. ఇంతలోనే ఆ తల్లి మరణించింది. అయినా కనికరం లేని ఆస్పత్రి యాజమాన్యం బిల్​ కట్టి మృతదేహం తీసుకెళ్లాలని చెప్పింది.

ఇదీ చూడండి: టార్గెట్ సచిన్... కాంగ్రెస్ కీలక నిర్ణయం