హైదరాబాద్లో మంత్రుల నివాస సముదాయంలో భారత జాతీయ సహకార సంఘం అధ్యక్షుడు, గుజరాత్ మాజీ మంత్రి దిలీప్ సంఘానియా కుటుంబసమేతంగా మంత్రి సింగిరెడ్డి నిరంజన్ రెడ్డిని మర్యాద పూర్వకంగా కలిశారు. రాష్ట్రంలో సహకార బ్యాంకులు, సహకార సంఘాలు, చేనేత సంఘాల పరిశీలనకు వచ్చిన దిలీప్ మంత్రితో భేటీ అయ్యారు. పలు అంశాలపై విస్తృతంగా చర్చించారు.
మహారాష్ట్రలో రైతు సహకార సంఘాలు అందరికీ ఆదర్శంగా ఉన్నాయని మంత్రి కొనియాడారు. అక్కడ 12 వేల నుంచి 25 వేల మంది రైతులు కలిసి చక్కెర కర్మాగారాలను లాభాల్లో నిర్వహించడం స్ఫూర్తిదాయకమని మంత్రి తెలిపారు. తెలంగాణ రైతులను ఆ దిశగా నడిపించేందుకు రైతు ఉత్పత్తి సంఘాలను ప్రోత్సహిస్తున్నామని వివరించారు. క్షేత్రస్థాయిలో రైతులకు వ్యవసాయం అనుబంధ రంగాలపై అవగాహన, మెలకువలు, రైతుల విజయగాథలు తెలుసుకునేందుకు 2,601 రైతు వేదికలు నిర్మించామని వెల్లడించారు.
ఇదీ చూడండి: దేశంలో ఎక్కడా లేనంతగా రాష్ట్రంలో ఆసరా పింఛన్లు: ఎర్రబెల్లి
