Balka on Etela: సీఎం కేసీఆర్పై పోటీ చేస్తానంటుంటే జనం నవ్వుకుంటున్నారని ప్రభుత్వ విప్ బాల్క సుమన్ ఎద్దేవా చేశారు. హుజురాబాద్‌లో ఓటమి భయంతోనే ఈటల రాజేందర్ ముఖ్యమంత్రిపై పోటీ చేస్తానంటూ కొత్త రాగం ఎత్తుకున్నారని విమర్శించారు.
ఈటల రాజేందర్కు ఓటమి భయం పట్టుకుంది. అందుకే ఈ కొత్తరాగం. ఊరు, పేరు తెలియని వ్యక్తిని మంత్రిని చేసిన వ్యక్తి కేసీఆర్. బాగా పని చేయమంటే భూముల కబ్జాలకు పాల్పడ్డారు. హుజూరాబాద్లో ఆయన ఓడిపోవడం ఖాయం. అందుకే సీఎంపై పోటీ చేస్తా అంటున్నరు. ఇప్పుడు ఆయన ఓ చెల్లని రూపాయి. అందుకే అలా మాట్లాడుతున్నారు.
- బాల్క సుమన్, ప్రభుత్వ విప్
కనీసం వార్డు సభ్యుడిగానైనా గెలువలేని వ్యక్తిని కేసీఆర్ చేరదీసి మంత్రిని చేశారని గుర్తు చేశారు. ఈటల రాజేందర్ శత్రువులతో చేతులు కలిపి నమ్మిన వారినే మోసం చేశారని బాల్క సుమన్ ఆరోపించారు. మంత్రిగా ఉండి పేదల భూములు ఆక్రమించి మోసాలకు పాల్పడ్డారని మండిపడ్డారు.
ఇవీ చదవండి: జూనియర్ లైన్‌మ్యాన్ పరీక్షల గోల్‌మాల్‌ కేసు.. ఐదుగురు అరెస్ట్
మూడు రోజుల క్రితమే పెళ్లి.. కూతురు, అల్లుడిని కొడవలితో నరికి హత్య
