గుడ్ గవర్నెన్స్, టెక్నాలజీ, సమ్మిళిత వృద్ధి రంగంలో ఇచ్చే ప్రతిష్టాత్మక స్కోచ్ అవార్డుకు తెలంగాణ ప్రభుత్వం ఎంపికైంది. ఇసుక అమ్మకం, మానిటరింగ్ నిర్వహణలో రాష్ట్ర మినరల్ డెవలప్మెంట్ కార్పొరేషన్కు స్వర్ణం, ఐటీ, ఎలక్ట్రానిక్స్ అండ్ కమ్యూనికేషన్ విభాగంలో బ్లాక్ చైన్ టెక్నాలజీ ఆధార ప్రాపర్టీ రిజిస్ట్రేషన్కు గానూ గోల్డ్, టీ-చిట్స్ నిర్వహణకు గానూ వెండి అవార్డులు దక్కాయి.
మొత్తంగా రాష్ట్ర ప్రభుత్వానికి రెండు బంగారం, ఒక వెండి పతకాలు వచ్చినట్లు ఐటీ శాఖ ముఖ్య కార్యదర్శి జయేశ్ రంజన్ ప్రకటించారు. కృత్రిమ మేధ, బ్లాక్చైన్ టెక్నాలజీ ఉపయోగించి ఉత్తమ పరిష్కారాలు చూపినందుకు తెలంగాణ ప్రభుత్వానికి ఈ ఘనత దక్కిందని జయేశ్ తెలిపారు. ఉత్తమ ప్రతిభ, పనితీరు కనబరిచి అవార్డుకు ఎంపికైనందుకు మంత్రి కేటీఆర్ ఐటీ విభాగాన్ని అభినందించారు.
ఇదీచూడండి: రాష్ట్రంలో పాడి పరిశ్రమను అభివృద్ధికి పటిష్ఠ చర్యలు: తలసాని
