సికింద్రాబాద్లో పేద వర్గాలకు చెందిన పిల్లలను టార్గెట్గా చేసుకొని ఓ ముఠా అపహరణకు పాల్పడుతోంది. పసిమొగ్గల తల్లిదండ్రులకు డబ్బు ఆశ చూపి వారి నుంచి పిల్లలను తీసుకెళ్లి అమ్ముతున్న ఏడుగురు సభ్యులను పోలీసులు అరెస్టు చేశారు.
అసలేం జరిగిందంటే?
గత నెల 27న అల్వాల్ పీఎస్ పరిధిలో ఓ చిన్నారి అపహరణకు గురైంది. ఇద్దరు మహిళలు పిల్లలను మారుస్తూ.. ఉండగా ఎస్ఓటీ, అల్వాల్ పోలీసులు సంయుక్తంగా వారిని అదుపులోకి తీసుకున్నట్లు డీసీపీ పద్మజ వెల్లడించారు. వారిని శమంతకమణి, రేణుకగా గుర్తించారు. బాబురెడ్డి, గంగాధర్ రెడ్డి ఇద్దరు ప్రధాన సూత్రధారిగా ఈ ముఠాకు నాయకత్వం వహిస్తూ... పిల్లలను అపహరిస్తున్నారని డీసీపీ స్పష్టం చేశారు.
మరొకరు పరారీలో...
బాబురెడ్డి అనే వ్యక్తి కడప జిల్లాకు చెందగా... గంగాధర్రెడ్డి ఈస్ట్ గోదావరి జిల్లాకు చెందిన వారిగా పోలీసులు గుర్తించారు. నగరంలో ఉంటూ... ఇలాంటి కార్యకలాపాలకు పాల్పడుతున్నారని తెలిపారు. బాబురెడ్డి, గంగాధర్రెడ్డిపై నగరవ్యాప్తంగా కేసులు ఉన్నట్లు డీసీపీ తెలిపారు. ఈ ఇద్దరికి రమేశ్, రాజా, నాయక్, శమంతకమణి, రేణుక సహకరించే వారని తెలిపారు. వీరంతా కలిసి ఇంట్లో ఉన్న సమయంలో పోలీసులు మరో పాపను గుర్తించారు. చిన్నారులను రెస్క్యూ హోంకు తరలించినట్లు డీసీపీ చెప్పారు. నిందితుల్లో లక్ష్మి అనే మహిళ పరారీలో ఉందని మిగిలిన వారిని రిమాండ్కు తరలించారు.
