fire accident: గాంధీ ఆసుపత్రిలో షార్ట్ సర్క్యూట్ కారణంగా స్వల్ప అగ్ని ప్రమాదం జరిగింది. ఆస్పత్రిలోని నాలుగో అంతస్తులో ఎలక్ట్రికల్ ప్యానెల్ బోర్డులో ఒక్కసారిగా మంటలు చెలరేగి ఈ ప్రమాదం చోటు చేసుకుంది. దీంతో వెంటనే అప్రమత్తమైన గాంధీ ఆస్పత్రి సిబ్బంది అగ్నిమాపక సిబ్బందికి సమాచారం అందించారు. హుటాహుటిన సంఘటనా స్థలానికి చేరుకున్న అగ్నిమాపక సిబ్బంది మంటలను అదుపులోకి తీసుకొచ్చారు.
మంటలు అదుపులోకి రావడంతో రోగులు, ఆస్పత్రి సిబ్బంది ఊపిరి పీల్చుకున్నారు. సిబ్బంది గమనించకపోతే పెద్ద ప్రమాదమే జరిగి ఉండేదని భావిస్తున్నారు. వేల సంఖ్యలో రోగులు ఉండే గాంధీ ఆస్పత్రిలో ఇలాంటి సంఘటనలు జరగడంతో భద్రత విషయంలో అధికారుల నిర్లక్ష్యం స్పష్టంగా కనిపిస్తోంది. భవిష్యత్తులో ఇలాంటి ఘటనలు పునరావృతం కాకుండా సరైన చర్యలు తీసుకోవాలని ప్రజలు కోరుతున్నారు.
ఇదీ చూడండి: Radisson Pub: అభిషేక్‌కు సినీ, రాజకీయ ప్రముఖులతో పరిచయాలు ఉన్నట్లు గుర్తింపు
