'మహిళల భద్రతకు ఫ్యామిలీ కౌన్సిలింగ్​ కేంద్రాల భరోసా'

మహిళల భద్రతకు మరింత ప్రాధాన్యమిచ్చేలా ఫ్యామిలీ కౌన్సిలింగ్​ కేంద్రాలను ఏర్పాటు చేస్తున్నట్లు సైబారాబాద్​ సీపీ సజ్జనార్​ వెల్లడించారు. హైదరాబాద్​ అల్వాల్​లో ఫ్యామిలీ కౌన్సిలింగ్​ సెంటర్​ను ప్రారంభించిన ఆయన... దేశంలోనే ఎక్కడా లేని విధంగా ఇలాంటి కేంద్రాలను నెలకొల్పినట్లు తెలిపారు.

ఆపదలో ఉన్న మహిళల భద్రతకు ఫ్యామిలీ కౌన్సిలింగ్​ సెంటర్లు ఎంతగానో ఉపయోగపడతాయని సైబరాబాద్​ సీపీ సజ్జనార్​ అన్నారు. హైదరాబాద్​ అల్వాల్​లో ఫ్యామిలీ కౌన్సిలింగ్​ కేంద్రాన్ని ప్రారంభించిన ఆయన... దేశంలోనే ఎక్కడా లేని విధంగా సైబరాబాద్​ కమిషనరేట్​ పరిధిలో కౌన్సిలింగ్​ కేంద్రాలను ఏర్పాటు చేస్తున్నట్లు వెల్లడించారు. కుటుంబ కలహాలు, గృహహింస, సమాజంలో వేధింపులకు గురైన మహిళలను ఆదుకోవడానికి అవసరమైన పోలీస్​, న్యాయ విచారణ, కౌన్సిలింగ్​ ఇలా అన్నీ సేవలు ఈ కేంద్రాల్లో లభిస్తాయని అన్నారు. మహిళలపై అఘాయిత్యాలకు పాల్పడే వారిపై కేసులు పెట్టడం ఒక ఎత్తైతే... వారికి శిక్షలు పడేలా చేయడం మరో ఎత్తని పేర్కొన్నారు. త్వరలోనే జీడిమెట్ల, ఇతర ప్రాంతాల్లో వీటిని ప్రారంభిస్తామని తెలిపారు.

ఇదీ చూడండి : వరద నీటిలో చిక్కుకున్న 23 మంది భక్తులు సురక్షితం