కంప్యూటర్ యుగంలో ఏది నమ్మాలో ఏది నమ్మకూడదో అంతుపట్టని పరిస్థితి. మనం మేల్కొనేలోపే జరగాల్సిన నష్టం జరిగిపోతోంది. హైదరాబాద్ శ్రీనగర్ కాలనీకి చెందిన రాజ్యలక్ష్మి స్థానికంగా ఉన్న ఓ ప్రైవేటు పాఠశాలలో పని చేస్తారు. ఇటీవల తమ విద్యా సంస్థల అధినేత పంపించినట్లుగా ఆమెకు ఓ నకిలీ మెయిల్ వచ్చింది. అందులో సూచించినట్లుగా ఒకసారి 70వేలు, మరోసారి 30వేల విలువైన కానుకలను అమెజాన్లో కొని పంపించారు.
ఆ తర్వాత కూడా మరో రెండు పంపించాలని మెయిల్ వచ్చింది. దాంతో రాజ్యలక్ష్మి అప్రత్తమయ్యారు. విద్యా సంస్థల అధినేతకు విషయం చెప్పారు. అలాంటి మెయిల్స్ తానెప్పుడూ పంపించలేదన్నారు. దీంతో ఆమె హైదరాబాద్ సైబర్ క్రైమ్ పోలీసులను ఆశ్రయించారు. ఆమె ఫిర్యాదు మేరకు కేసు నమోదు చేసుకున్న సైబర్ క్రైమ్ పోలీసులు దర్యాప్తు చేస్తున్నారు.
ఇవీ చూడండి: మొక్కలు నరికిన వ్యక్తిపై కేసు
