- విద్యుతు స్తంభాలు, ట్రాన్స్‌ఫార్మర్ల వద్ద సరైన ఎర్తింగ్‌ లేకపోవడం, తీగలు వదులుగా ఉండటంతో ప్రమాదాలకు కారణమవుతున్నాయి.
- నేల తడిగా ఉన్నప్పుడు ప్రమాద తీవ్రత ఎక్కువగా ఉంటుంది. ఈ సమయంలో విద్యుత్తు స్తంభాలను తాకినా షాక్‌ కొట్టే ప్రమాదం ఉంది. ఎట్టిపరిస్థితుల్లోనూ వీటిని చేతితో తాకరాదు.
- నీరు ఉన్నచోట విద్యుత్తు తీగలు, పరికరాలను ఉంచరాదు. తడి చేతులతో అసలే తాకరాదు.
- స్విఛ్‌ ఆఫ్‌ చేయకుండా ప్లగ్‌లను సాకెట్ల నుంచి బయటికి తీయరాదు. వైరును పట్టుకుని ప్లగ్‌లు తీయొద్ధు.
- ఇంటి నిర్మాణం చేపట్టేటప్పుడు భవనానికి దగ్గరగా ఉండే విద్యుత్తు తీగలను గమనిస్తూ ఉండాలి.
- ప్రమాదకరంగా ఉంటే తీగలను దూరంగా మార్చాలని డిస్కం దృష్టి తీసుకెళ్లొచ్ఛు.
- ముందుజాగ్రత్తగా ప్లాస్టిక్‌ తొడుగులు వేయించుకోవచ్ఛు.
- దుస్తులు ఆరేసేందుకు ఇనుప తీగలు ఉపయోగించవద్ధు.
- రహదారిపై వెళ్లేటప్పుడు దారిలో ఉండే ట్రాన్స్‌ఫార్మర్ల విషయంలో అప్రమత్తంగా ఉండాలి.
- చిన్నారులు వీటికి దూరంగా నడిచేలా జాగ్రత్తలు తీసుకోవాలి.
- ఇంట్లో స్విచ్చు బోర్డుల నుంచి వాననీరు కారుతున్నట్లయితే చేతితో తాకవద్ధు.
వానలో స్తంభాలను తాకొద్దు: జి.రఘుమారెడ్డి, సీఎండీ, టీఎస్‌ఎస్పీడీసీఎల్‌
వర్షం కురిసేటప్పుడు విద్యుత్తు లైన్లు ఉన్న చెట్ల కింద నిలబడొద్ధు రహదారిపై నిల్వ ఉన్న నీళ్లలో విద్యుత్తు తీగలు, పరికరాలు మునిగి ఉంటే ఆ నీటిలోకి పోరాదు. కిందకు వంగిన, కూలిన విద్యుత్తు స్తంభాలు, తీగలకు దూరంగా నడవాలి. విద్యుత్తుకు సంబంధించి అత్యవసర పరిస్థితి ఉన్నపుడు 1912/100/స్థానిక ఫ్యూజ్‌ ఆఫ్‌ కాల్‌ ఆఫీసుతో పాటూ విద్యుత్తు కంట్రోల్‌ రూం నంబర్లు 7382072104/106, 1574 నంబర్లకు ఫోన్‌ చేసి ఫిర్యాదు చేయవచ్ఛు.
ఇదీ చూడండి: KTR: హైదరాబాద్‌కు మరో బయోఫార్మా హబ్‌: మంత్రి కేటీఆర్‌
