రేపటి నుంచి ద్వారకా తిరుమలలో కల్యాణ మహోత్సవాలు

ఏపీలోని పశ్చిమ గోదావరి జిల్లా ద్వారకా తిరుమల వెంకటేశ్వరస్వామి అధిక ఆశ్వయుజ మాస కల్యాణ మహోత్సవాలు శనివారం నుంచి ప్రారంభం కానున్నాయి. ఎనిమిది రోజుల పాటు ఈ ఉత్సవాలను నిర్వహించనున్నారు. కరోనా ప్రభావంతో ఉత్సవాలు ఏకాంతంగా నిర్వహించనున్నట్లు దేవస్థానం అధికారులు తెలిపారు.

ఏపీలో ప్రముఖ పుణ్యక్షేత్రమైన ద్వారకా తిరుమల శ్రీ వెంకటేశ్వర స్వామి వారి అధిక ఆశ్వయుజ మాస కల్యాణ మహోత్సవాలు శనివారం నుంచి ప్రారంభం కానున్నాయి. వచ్చే నెల 3 వరకు నిర్వహించనున్నట్లు ఆలయ ఈవో డి.భ్రమరాంబ తెలిపారు. రేపు ఉదయం తొమ్మిది గంటలకు ఉత్సవాలు ప్రారంభమవుతాయని ఈవో ప్రకటించారు. పరిమిత సంఖ్యలో అర్చకులు, సిబ్బందితో ఆలయ ప్రాంగణంలోనే మహోత్సవాలు జరుపుతామన్నారు. 27న బ్రహ్మోత్సవాల ధ్వజారోహణ నిర్వహిస్తామన్నారు.

రేపటి నుంచి ద్వారకా తిరుమలలో కల్యాణ మహోత్సవాలు

నిత్యసేవలు తాత్కాలికంగా రద్దు

ఉత్సవాల్లో ప్రధాన ఘట్టమైన స్వామి అమ్మవార్ల కల్యాణ మహోత్సవాన్ని 30వ తేదీ రాత్రి ఆలయ ప్రాంగణంలో పరిమిత సిబ్బందితో నిర్వహిస్తున్నట్లు ఈవో చెప్పారు. వచ్చే నెల 3వ తేదీ రాత్రి పుష్పయాగోత్సవంతో అధిక ఆశ్వయుజ మాస కల్యాణ మహోత్సవాలు పరిసమాప్తం అవుతాయని తెలిపారు. ఉత్సవాల సమయంలో... ఆర్జిత సేవలు, నిత్య కల్యాణ క్రతువులను రద్దు చేస్తున్నట్లు పేర్కొన్నారు. వచ్చే నెల 4 నుంచి అన్ని సేవలను పునరుద్ధరిస్తామన్నారు.

ఇవీచూడండి: బాలసుబ్రహ్మణ్యుడి గానం.. అమరం: ఎంపీ నామ నాగేశ్వరరావు