కరోనా కట్టడిలో నిమగ్నమైన వైద్య, పారామెడికల్తో పాటు ఇతర సిబ్బంది సురక్షితంగా పనిచేసేందుకు డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (డీఆర్డీవో) బయో సూట్ను రూపొందించింది. వివిధ డీఆర్డీవో ప్రయోగశాలలలోని శాస్త్రవేత్తలు తమ సాంకేతిక పరిజ్ఞానం, ఫాబ్రిక్ కలిగి ఉన్న పర్సనల్ ప్రొటెక్టివ్ ఎక్విప్‌మెంట్ (పీపీఈ)ను తయారు చేశారు. ఈ సూట్ను పూర్తిగా యంత్రం సహాయంతో తయారు చేశామని డీఆర్డీవో పేర్కొంది.
ఆరోగ్య, కుటుంబ సంక్షేమ మంత్రిత్వ శాఖ (ఎంఓఎఫ్డబ్ల్యూ) బాడీ సూట్‌ల కోసం నిర్వచించిన ప్రమాణాల కంటే అద్బుతంగా పనిచేస్తుందని వారు వెల్లడించారు. ఈ సూట్లు పెద్ద సంఖ్యలో ఉత్పత్తి చేసేందుకు డీఆర్డీవో ప్రయత్నం చేస్తోంది. ప్రస్తుతం రోజుకు 7వేల సూట్లు తయారు చేస్తున్నారు. త్వరలోనే రోజుకు 15వేల సూట్లు తయారు చేసే సామర్థ్యానికి పెంచే ప్రయత్నాలు చేస్తామన్నారు.
ఇవీ చూడండి: రాష్ట్రంలో 154కు చేరిన కరోనా కేసుల సంఖ్య
