దోస్త్ ప్రత్యేక విడత సీట్ల కేటాయింపు

ఇంజినీరింగ్​లో ఆశించిన సీటు దక్కని విద్యార్థులను దృష్టిలో ఉంచుకొని చేపట్టిన దోస్త్​ ప్రత్యేక విడత కౌన్సెలింగ్​ ద్వారా 21,437 మంది విద్యార్థులకు సీట్లు కేటాయించారు. ఈ మేరకు దోస్త్​ కన్వీనర్​ ప్రొఫెసర్​ లింబాద్రి వివరాలు వెల్లడించారు.

దోస్త్ ప్రత్యేక విడత కౌన్సెలింగ్ ద్వారా 21,437 మందికి డిగ్రీ సీట్లు కేటాయించారు. ఈ మేరకు ప్రత్యేక విడతలో సీటు పొందిన విద్యార్థులు నవంబరు 5 వరకు ఆన్​లైన్​లో సెల్ఫ్ రిపోర్టింగ్ చేయాలని దోస్త్ కన్వీనర్ ప్రొఫెసర్ లింబాద్రి తెలిపారు.

ఇప్పటి వరకు జరిగిన మూడు విడతల్లో సీటు పొందిన 1,87,709 మంది విద్యార్థులు ఆన్​లైన్​లో సెల్ఫ్ రిపోర్టింగ్ ప్రక్రియ పూర్తి చేసినట్టు కన్వీనర్​ వివరించారు. ఈ సందర్భంగా సెల్ఫ్ రిపోర్టింగ్ చేసిన విద్యార్థులందరూ నవంబరు 5 వరకు కాలేజీలకు వెళ్లి ప్రవేశాల ప్రక్రియ పూర్తి చేయాలని సూచించారు.