తెలుగు రాష్ట్రాల్లో ఎన్ఆర్​సీ అమలు చేయొద్దు

హైదరాబాద్​ ట్యాంక్ బండ్​పై ఉన్న మఖ్దూం మొహియుద్దీన్ విగ్రహం వద్ద సీఏబీ, ఎన్ఆర్​సీ తరఫున ఏర్పడిన పౌరవేదిక తరపున అనేక సంఘాలు నిరసన వ్యక్తం చేశాయి. తెలుగు రాష్ట్రాల్లో ఎన్ఆర్​సీ అమలు చేయొద్దని వారు విజ్ఞప్తి చేశారు.

పౌరసత్వ సవరణ బిల్లు(సీఏబీ), దేశవ్యాప్తంగా జాతీయ పౌర జాబితా(ఎన్ఆర్​సీ)ను ఉపసంహరించాలని కోరుతూ హైదరాబాద్​ ట్యాంక్ బండ్​పై పలు సంఘాలు నిరసన ర్యాలీ నిర్వహించాయి. ఇప్పటికే ఎన్ఆర్​సీ అసోంలో చాలా అల్లకల్లోలం సృష్టించిందని నిరసన కారులు ఆందోళన వ్యక్తం చేశారు. 19 లక్షల మందిని భారత పౌరులు కారని జైళ్లకు పంపడం జరిగిందన్నారు. అందులో అనేక మంది పేదలున్నారని వాపోయారు.

తెలుగు రాష్ట్రాల్లో ఎన్ఆర్​సీ అమలు చేయొద్దని వారు విజ్ఞప్తి చేశారు. పౌరసత్వానికి మతాన్ని ప్రాతిపదికగా చేర్చడాన్ని వారు ఉపసంహరించుకోవాలని నిరసనకారులు డిమాండ్ చేశారు. ఈ కార్యక్రమంలో ఆదివాసులు, గృహకార్మికులు, మైనార్టీలు, పేదల కోసం పోరాడుతున్న పలు సంఘాలు నిరసనలో పాల్గొన్నాయి.

ఇదీ చూడండి : ఎన్‌హెచ్‌ఆర్‌సీ పిలుపు: పోలీస్ అకాడమీకి 'దిశ' తండ్రి, సోదరి