కొవిడ్ విపత్కర పరిస్థితుల్లో అహర్నిశలు కృషి చేస్తోన్న ఆశా వర్కర్లకు భాజపా ఓబీసీ మోర్చా జాతీయ అధ్యక్షుడు లక్ష్మణ్ అండగా నిలిచారు. హైదరాబాద్, ముషీరాబాద్లోని కార్మికులకు.. స్థానిక అక్షర స్ఫూర్తి సంస్థ ఆధ్వర్యంలో ఎనర్జీ డ్రింక్స్, టిఫిన్ బాక్సులను అందజేశారు. కరోనా కట్టడిలో ఫ్రంట్ లైన్ వారియర్స్ చేస్తోన్న కృషి అభినందనీయమన్నారు.
లాక్డౌన్లో పేదలను ఆదుకోవాలనే ఉద్దేశంతో.. కేంద్రం 5 కిలోల బియ్యాన్ని ఉచితంగా పంపిణీ చేస్తోందని లక్ష్మణ్ ప్రస్తావించారు. ఈ అవకాశాన్ని ప్రతి ఒక్కరు సద్వినియోగం చేసుకోవాలని సూచించారు. ఈ కార్యక్రమంలో సంస్థ నిర్వాహకులు, భాజపా కార్యకర్తలు, తదితరులు పాల్గొన్నారు.
ఇదీ చదవండి: చితి మంటలను చూసైనా స్పందించరా: రఘునందన్ రావు
