తెలంగాణ డిజిటల్ మీడియా డైరెక్టర్ కొనతం దిలీప్... ప్రజాసంబంధ వ్యవహారాల్లో ఇచ్చే చాణక్య అవార్డును అందుకున్నారు. పబ్లిక్ రిలేషన్స్ కౌన్సిల్ ఆఫ్ ఇండియా ఇచ్చే ఈ అవార్డు 2021గాను దిలీప్ను ఎంపిక చేసినట్లు పీఆర్సీఐ ఒక ప్రకటనలో తెలిపింది. గోవా ముఖ్యమంత్రి ప్రమోద్ సావంత్ చేతుల మీదుగా పీఆర్సీఐ గ్లోబల్ కమ్యునికేషన్స్ సదస్సులో దిలీప్ ఈ అవార్డును అందుకున్నారు.
తెలంగాణ రాష్ట్ర ప్రభుత్వంలోని డిజిటల్ మీడియా వింగ్లో విశేష ప్రతిభ కనబరిచినందుకు ఈ అవార్డుకు ఆయన ఎంపికయ్యారు. కొనతం దిలీప్ ఈ అవార్డును అందుకోవటం వరుసగా రెండో సారి. గతేడాది 2020లోనూ కర్ణాటక సీఎం చేతుల మీదుగా... బెంగళూరులో జరిగిన సదస్సులో ఆయన ఈ అవార్డును అందుకున్నారు. వరుసగా రెండో ఏడాది ఈ అవార్డుకు ఎంపికైనందుకు డిజిటల్ మీడియా డైరెక్టర్ కొనతం దిలీప్ను మంత్రి కేటీఆర్ అభినందించారు.
ఇదీ చూడండి: 'ఈనాడు'కు మరో గౌరవం- ఉత్తమ వార్తా పత్రికగా చాణక్య పురస్కారం
