హైదరాబాద్-మహబూబ్నగర్-రంగారెడ్డి పట్టభద్రుల ఎమ్మెల్సీ ఎన్నికల్లో తెరాస అభ్యర్థి వాణీదేవిని అత్యధిక మెజారిటీతో గెలిపించిన ఓటర్లకు ఉపసభాపతి తీగుల్ల పద్మారావు గౌడ్ ధన్యవాదాలు తెలిపారు. తెరాస విజయం కోసం అహర్నిశలు కృషి చేసిన కార్యకర్తలను అభినందించారు. సికింద్రాబాద్ సీతాఫల్మండీలో ఓ ఫంక్షన్హాల్లో విజయోత్సవ సంబురాలను జరుపుకున్నారు.
అనంతరం పద్మారావు గౌడ్ అధ్వర్యంలో అందరికీ స్వీట్లు పంపిణీ చేశారు. రాష్ట్రంలో ఏ ఎన్నికలు వచ్చినా తెరాసదే గెలుపని ధీమా వ్యక్తం చేశారు. ఈ కార్యక్రమంలో కార్పొరేటర్ సామల హేమ, నాయకులు శేఖర్, శైలేందర్, మళ్లురి అనిల్ కుమార్, గౌస్, సాయి, లోకేశ్, మహిళా నాయకులు, కార్యకర్తలు పాల్గొన్నారు.
