గ్రేటర్​ ప్రచారంలో పద్మారావుగౌడ్​కు నిరసన సెగ

జీహెచ్​ఎంసీ ఎన్నికల ప్రచారంలో ఉప శాసనసభాపతి పద్మారావు గౌడ్​ను స్థానికులు అడ్డుకున్నారు. తార్నాక డివిజన్​ టికెట్ తెరాస​ సిట్టింగ్ అభ్యర్థికి ఇవ్వనందుకు నిరసన వ్యక్తం చేశారు. దీంతో కాసేపు ఆయనకు, కార్యకర్తలకు మధ్య వాగ్వాదం జరిగింది.

గ్రేటర్ ఎన్నికల్లో అధికార తెరాసకు నిరసనల సెగ తగులుతోంది. తార్నాక డివిజన్​​ సిట్టింగ్ అభ్యర్థికి టికెట్ ఇవ్వనందుకు ప్రచారానికి వచ్చిన డిప్యూటీ స్పీకర్​ పద్మారావుగౌడ్​ను స్థానికులు అడ్డుకున్నారు.

డివిజన్​లోని మాణికేశ్వరనగర్​లో ప్రచారం నిర్వహిస్తున్న సమయంలో వాగ్వాదం తలెత్తింది. మాజీ కార్పొరేటర్​ సరస్వతిహరితో పద్మారావు చర్చలు జరపడంతో వివాదం సద్దుమణిగింది. తెరాస అభ్యర్థి శ్రీలతరెడ్డికి మా పూర్తి మద్దతు ఉంటుందని ఆమె హామీ ఇవ్వడంతో స్థానికులు ఆందోళన విరమించుకున్నారు.

ఇదీ చూడండి:'పీవీ, ఎన్టీఆర్ ఘాట్లు కూల్చివేస్తే ప్రభుత్వం ఊరుకుంటుందా?'