ఎండలో ఉన్న పోలీసులకు కూల్​ కూల్ ఐస్​క్రీమ్

ప్రముఖ ఐస్​క్రీం సంస్థ క్రీమ్​స్టోన్... పోలీసులకు ఐస్​క్రీంలను పంపిణీ చేసింది. నిరంతరం ప్రజలకు సేవలు అందిస్తున్న పోలీసులకు కాస్త చల్లదనం అందించాలనే ఉద్దేశంతో ఐస్​క్రీమ్​లను పంపిణీ చేస్తున్నట్లు సంస్థ నిర్వహకులు ఫ్రాంక్లిన్ తెలిపారు.

కరోనా విపత్కర పరిస్థితుల్లో పలువురు దాతలు వివిధ రూపాల్లో సహాయం అందిస్తూ.. తమ దాతృత్వం చాటుకుంటున్నారు. ఈ నేపథ్యంలో ప్రముఖ ఐస్​క్రీం సంస్థ క్రీమ్​స్టోన్ సైతం కరోనా పోరాటంలో ముందు వరుసలో ఉండి పోరాటం చేస్తోన్న పోలీసులకు ఐస్​క్రీంలను పంపిణీ చేసింది.

అసలే ఎండాకాలం ఆపై లాక్​డౌన్.. నిరంతరం ప్రజలకు సేవలు అందిస్తున్న పోలీసులకు కాస్త చల్లదనం అందించాలనే ఉద్దేశంతో ఐస్​క్రీంను పంపిణీ చేస్తున్నట్లు సంస్థ నిర్వహకులు ఫ్రాంక్లిన్ తెలిపారు. ఇందులో భాగంగా 5 జోన్లలో 83 చెక్​పోస్టుల వద్ద విధులు నిర్వహిస్తున్న దాదాపు 5వేల మంది పోలీసులకు ఐస్​క్రీమ్​ పంపిణీ చేసినట్లు ఆయన పేర్కొన్నారు.

• ఇదీ చూడండి: మరోసారి పరస్పర విమర్శలకు దిగిన ఈటల, గంగుల