ప్రజల ఆరోగ్యం పట్ల ప్రభుత్వం నిర్లక్ష్యంగా వ్యవహరిస్తోందని సీపీఎం సికింద్రాబాద్ జోన్ కార్యదర్శి అజయ్ బాబు ఆరోపించారు. అఖిలపక్షం పిలుపు మేరకు ఆ పార్టీ నేతలు స్థానికంగా ఉన్న పలు ప్రభుత్వ కొవిడ్ పరీక్ష కేంద్రాలను సందర్శించారు. సిబ్బందికి ప్రభుత్వం కల్పిస్తున్న సౌకర్యాలు, రోగులకు అందిస్తున్న వైద్యం గురించి ఆరా తీశారు.
ప్రతి షాపు వద్ద శానిటైజర్ ఏర్పాటు చేయాలని చెబుతున్న ప్రభుత్వం.. ప్రభుత్వ ఆస్పత్రుల్లో అందరికి శానిటైజర్లు అందుబాటులో ఉంచకపోవడం సిగ్గుచేటు అని అన్నారు. అతిపెద్ద మురికివాడగా పేరున్న అడ్డగుట్టలో అతి స్వల్పంగా పరీక్షలు చేయడం, పాజిటివ్ వచ్చిని వారిని తమ చిన్న గదుల్లోనే ఉండమని చెప్పడం బాధాకరం అన్నారు. ఇప్పటికైనా ప్రభుత్వం మేల్కోని కరోనా పరీక్షలు, ఐసోలేషన్ కేంద్రాలు పెంచాలని, వైరస్ బాధితులకు వైద్యం అందించాలని డిమాండ్ చేశారు.
ఇవీచూడండి: ఆగని వాన.. ఉమ్మడి వరంగల్ జలమయం!
