'న్యాయంవైపు నిలబడితే... విపక్షాలపై విషం కక్కుతున్నారు'

పోరాడి సాధించుకున్న తెలంగాణాలో ఇప్పటికీ ఆత్మబలిదానాలు ఆగకపోవటం బాధాకరమని సీపీఐ రాష్ట్ర కార్యదర్శి చాడ వెంకట్​రెడ్డి ఆవేదన చెందారు. తన మాట నెగ్గించుకునేందుకు సీఎం కేసీఆర్​... విపక్షాలపై విషం చల్లుతున్నారని మండిపడ్డారు.

ఆర్టీసీ కార్మికుల తరపున తాము పోరాటం చేస్తుంటే... రాజకీయం చేస్తున్నామని సీఎం కేసీఆర్​ విషప్రచారం చేస్తున్నారని సీపీఐ రాష్ట్ర కార్యదర్శి చాడ వెంకట్​రెడ్డి తెలిపారు. తన మాటనే నెగ్గాలనే భావనతో కేసీఆర్... ఇష్టమొచ్చిన నిర్ణయాలు తీసుకుంటున్నారని ఆగ్రహం వ్యక్తం చేశారు.​ బంగారు తెలంగాణ తయారు చేస్తామన్న కేసీఆర్‌... ఆర్టీసీ కార్మికుల పొట్టకొడుతున్నాడని మండిపడ్డారు. త్యాగాల తెలంగాణలో ఇప్పటికీ ఆత్మబలిదానాలు ఆగటం లేదని చాడ ఆవేదన వ్యక్తం చేశారు.

ఇవీ చూడండి: 'విధులకు హాజరయ్యే ఆర్టీసీ ఉద్యోగుల భద్రత మాదే'