విధులకు వెళుతూ మద్యం సేవించి డ్రంక్ అండ్ డ్రైవ్ తనిఖీల్లో పట్టుబడ్డ బహదూర్ పురా కానిస్టేబుల్ వెంకటేశ్ను హైదరాబాద్ సీపీ అంజనీ కుమార్ (Cp anjani kumar) సస్పెండ్ (Suspend) చేశారు. రెండు రోజుల క్రితం రాజేంద్రనగర్ ట్రాఫిక్ పోలీసులు అత్తాపూర్ వద్ద విధుల్లో ఉన్న సమయంలో రాంగ్ రూట్లో బండి నడుపుకుంటూ కానిస్టేబుల్ వెంకటేశ్ వెళుతుండటం గమనించారు.
అతన్ని ఆపి ప్రశ్నించగా తాను డిపార్ట్ మెంట్ అని దురుసుగా మాట్లాడటంతో రాజేంద్రనగర్ ట్రాఫిక్ పోలీసుల బ్రీత్ ఎనలైజర్తో తనిఖీ చేయగా రీడింగ్ 36 నమోదైంది. అతని ద్విచక్ర వాహనాన్ని పోలీసులు సీజ్‌ చేశారు. విషయం తెలుసుకున్న సీపీ అంజనీ కుమార్ (Cp anjani kumar) వెంకటేశ్ను సస్పెండ్ (Suspend) చేస్తూ ఆదేశాలు జారీచేశారు.
