స్వస్తిక్‌ గుర్తు కాకుండా పోలింగ్‌ స్టేషన్‌ నంబర్లున్న గుర్తుతో ఓటు వేసినట్లు వస్తున్న వార్తలపై కాంగ్రెస్ స్పందించింది. స్వస్తిక్‌ గుర్తు కాకుండా ఇతర ఏ గుర్తుతో ఓటు వేసి ఉన్నా.. అక్కడ ఓట్ల లెక్కింపును నిలుపుదల చేయాలని డిమాండ్ చేసింది. ఏవైనా పొరపాట్లు జరిగితే వాటిని రాజకీయ పార్టీల దృష్టికి తీసుకెళ్లాలని రాష్ట్ర ఎన్నికల సంఘానికి సూచించింది. ఈ మేరకు పీసీసీ ఎన్నికల సమన్వయ కమిటీ కన్వీనర్ జి.నిరంజన్ ఎస్ఈసీ పార్థసారథికి లేఖ రాశారు.
ఎన్నికల సంఘం ఏకపక్షంగా నిర్ణయం తీసుకోవడం సరికాదని నిరంజన్ మండిపడ్డారు. ఎస్ఈసీ తీసుకున్న నిర్ణయం అనుమానాలకు తావిచ్చేలా ఉందని ఆరోపించారు. తక్కువ సమయంలో ఎన్నికలు నిర్వహించడం వల్లే ఈ తప్పిదాలు జరిగాయని ఆక్షేపించారు.
ఇదీ చూడండి: ఘాన్సీపూర్‌, పూరానాపూల్‌పై ఎస్ఈసీ స్పష్టత.. నో రీపోలింగ్
