కాంగ్రెస్ సీనియర్ నేత వి.హన్మంతరావు ఆమరణ నిరాహార దీక్ష విరమించారు. ఆయన ఆరోగ్యం క్షీణిస్తుండటంతో ఏఐసీసీ ఇంఛార్జీ మాణిక్కం ఠాగూర్ నిమ్మరసం ఇచ్చి ఆయనతో దీక్ష విరమింపజేశారు.
పంజాగుట్ట కూడలిలో అంబేడ్కర్ విగ్రహం ఏర్పాటు చేయాలని డిమాండ్‌ చేస్తూ నాలుగు రోజులుగా అంబర్‌పేటలోని స్వగృహంలో వీహెచ్ ఆమరణ దీక్షకు దిగారు. వీహెచ్ నివాసానికి వెళ్లిన మాణిక్కం ఠాగూర్ ఆరోగ్య కారణాల రీత్యా దీక్షను విరమించాలని, కాంగ్రెస్ పార్టీ ముందుండి పోరాటాన్ని కొనసాగిస్తుందని హామీ ఇవ్వడంతో ఆయన శాంతించారు. అంబేడ్కర్ విగ్రహం ఏర్పాటుపై షర్మిల స్పందించాలని వీహెచ్ చురకలంటించారు.
