కేంద్రం తెచ్చిన వ్యవసాయ చట్టాలను ఉపసంహరించుకోవాలని డిమాండ్ చేస్తూ... ఏఐసీసీ పిలుపు మేరకు రైతుల నుంచి సంతకాల సేకరించనున్నట్టు పీసీసీ అధ్యక్షుడు ఉత్తమ్ కుమార్ రెడ్డి తెలిపారు. ఈ కార్యక్రమం అక్టోబర్ 2నుంచి ప్రారంభమై... 31 వరకు కొనసాగనున్నట్టు వెల్లడించారు. నవంబర్ 14న రెండు కోట్ల మంది రైతుల సంతకాలతో రాష్ట్రపతికి వినతిపత్రం సమర్పించనున్నట్టు చెప్పారు.
సంగారెడ్డిలో సంతకాల సేకరణ ప్రారంభ కార్యక్రమానికి రాష్ట్ర వ్యవహారాల ఇంఛార్జ్ మాణిక్కం ఠాగూర్ ముఖ్యఅతిథిగా హాజరువుతారని ఉత్తమ్ తెలిపారు. అక్టోబర్ 2న రాష్ట్రవ్యాప్తంగా రైతులతో కలిసి ధర్నాలు, ఉద్యమాలు, నిరసన కార్యక్రమాలు చేయనున్నట్టు ప్రకటించారు. నవంబర్ 14న రెండు కోట్ల మంది రైతుల సంతకాలతో రాష్ట్రపతికి వినతిపత్రం ఇవ్వనున్నట్టు పేర్కొన్నారు. ఈ కార్యక్రమంలో ప్రతి కాంగ్రెస్ కార్యకర్త, ప్రతి నాయకుడు పాల్గొనాలని పిలుపునిచ్చారు.
ఇదీ చూడండి: 'ఆరోగ్య శ్రీ బలోపేతం... లీకేజీలను అరికట్టడానికి కమిటీ'
