రాష్ట్ర ముఖ్యమంత్రి కేసీఆర్ సోమవారం విజయవాడ వెళ్లనున్నారు. ఈనెల 21న కాళేశ్వరం ప్రాజెక్టు ప్రారంభోత్సవానికి ఆంధ్రప్రదేశ్ సీఎం జగన్మోహన్ రెడ్డిని ఆహ్వానించనున్నారు. ఇప్పటికే మహారాష్ట్ర సీఎం దేవేంద్ర ఫడణవీస్ను ఆహ్వానించారు.
ఇదీ షెడ్యూల్....
ముఖ్యమంత్రి కేసీఆర్ మధ్యాహ్నం 12:50 గంటలకు బేగంపేట విమానాశ్రయం నుంచి ప్రత్యేక విమానంలో గన్నవరం వెళ్లనున్నారు. తర్వాత విజయవాడ గేట్వే హోటల్లో విశ్రాంతి తీసుకుని... అనంతరం కనకదుర్గమ్మను దర్శించుకుంటారు. 2:30 గంటలకు తాడేపల్లిగూడెంలోని జగన్ నివాసానికి చేరుకుని... కాళేశ్వరం ప్రాజెక్టు ప్రారంభోత్సవానికి హాజరుకావలసిందిగా ఆహ్వానిస్తారు. సాయంత్రం 5 గంటలకు గణపతి సచ్చిదానంద ఆశ్రమానికి చేరుకుని విశాఖ శారదాపీఠం ఉత్తరాధికారి దీక్షా స్వీకరణ కార్యక్రమానికి హాజరవుతారు. తిరిగి రాత్రి 7:30 గంటలకు గన్నవరం నుంచి హైదరాబాద్కు పయనమవుతారు.
ఇదీ చూడండి : వర్షాలొస్తున్నాయని భయపడకండి... మేం సిద్ధమే!
