CM KCR District Tour: ముఖ్యమంత్రి కేసీఆర్ త్వరలో జిల్లాల్లో పర్యటించే అవకాశం ఉంది. వివిధ ప్రారంభోత్సవాలు, అభివృద్ధి కార్యాక్రమాల్లో సీఎం పాల్గొననున్నారు. స్థానికసంస్థల ఎమ్మెల్సీ ఎన్నికల పోలింగ్ పూర్తై మంగళవారం రోజు ఓట్ల లెక్కింపు చేపట్టనున్నారు. దీంతో సీఎం.. జిల్లాల పర్యటనకు సిద్ధమవుతున్నట్టు సమాచారం. ఈ మేరకు ఆయా జిల్లాల మంత్రులు, నేతలతో ముఖ్యమంత్రి కేసీఆర్ చర్చించారు. వనపర్తి, నిజామాబాద్, జగిత్యాల, పెద్దపల్లి, వికారాబాద్, జనగాం, యాదాద్రి, మహబూబ్‌నగర్ జిల్లాల్లో సీఎం పర్యటించవచ్చని తెలుస్తోంది.
బహిరంగ సభలు...
కలెక్టరేట్లను ప్రారంభించడంతో పాటు వివిధ అభివృద్ధి కార్యక్రమాల్లో సీఎం కేసీఆర్ పాల్గొననున్నారు. కొత్తగా మంజూరు చేసిన వైద్య కళాశాలల భవనాలకు శంకుస్థాపన కూడా చేయనున్నారు. పూర్తయిన చోట తెరాస జిల్లా కార్యాలయాలను ప్రారంభిస్తారు. పార్టీ ఆధ్వర్యంలో ఆయా జిల్లాల్లో బహిరంగ సభలు కూడా ఏర్పాటు చేయనున్నారు. సీఎం కేసీఆర్ జిల్లా పర్యటనలకు సంబంధించి ఒకటి, రెండు రోజుల్లో స్పష్టత వచ్చే అవకాశం ఉంది.
ఇదీ చదవండి: Revanth visits martyrs stupa: 'సచివాలయం మీదున్న శ్రద్ధ.. అమరవీరుల స్తూపంపై లేదు'
