Hyderabad airport latest news : శంషాబాద్ విమానాశ్రయంలో అంతర్జాతీయ ప్రయాణికుల డిపార్చర్స్ కోసం 2018లో హజ్‌ టెర్మినల్ సమీపంలో నిర్మించిన టెర్మినల్ను ఈ నెల 28న మధ్యాహ్నం ఒంటి గంట నుంచి మూసివేస్తున్నారు. విమానాశ్రయ విస్తరణ పనుల కారణంగా ఈ నిర్ణయం తీసుకున్నట్లు జీహెచ్ఐఏఎల్ అధికారులు శుక్రవారం ఒక ప్రకటనలో తెలిపారు. దీనికి ప్రత్యామ్నాయంగా ప్రధాన టెర్మినల్ను సిద్ధం చేశామని, విమాన ప్రయాణికులు ఈ విషయాన్ని గమనించాలన్నారు.
సౌదీ ఎయిర్‌లైన్స్‌ ఎస్‌వీ-753 తొలి అంతర్జాతీయ విమాన సర్వీస్‌ సౌదీ అరేబియాకు ఈ నెల 28న సాయంత్రం 5.30 గంటలకు ప్రధాన టెర్మినల్ నుంచి బయలుదేరుతుందని పేర్కొన్నారు. అదనపు వివరాలకు 040-66546370 నంబరులో సంప్రదించాలని సూచించారు.
ఇవీ చూడండి..
దిల్లీ లిక్కర్ స్కామ్.. ఏడుగురి పేర్లతో సీబీఐ తొలి ఛార్జిషీట్
బంగారం అక్రమ రవాణాకు అడ్డాగా శంషాబాద్ ఎయిర్పోర్టు.. అడ్డుకట్ట వేసేదెలా..?
