సుప్రీంకోర్టు ప్రధాన న్యాయమూర్తిగా బాధ్యతలు చేపట్టిన తర్వాత తొలిసారిగా జస్టిస్ ఎన్వీ రమణ రాష్ట్రానికి వచ్చారు. శంషాబాద్ విమానాశ్రయం చేరుకున్న ఆయన... నేరుగా రాజ్భవన్కు తరలివెళ్లారు.
రాజ్భవన్లో సీజేఐ జస్టిస్ ఎన్వీ రమణకు గవర్నర్ తమిళిసై సౌందరరాజన్, సీఎం కేసీఆర్ ఘన స్వాగతం పలికారు. అనంతరం ఆయన పోలీసుల గౌరవవందనం స్వీకరించారు. మూడురోజుల పాటు జస్టిస్ ఎన్వీ రమణ రాజ్భవన్లో బసచేయనున్నారు. ఈ 3 రోజులు పలు కార్యక్రమాలు, సదస్సుల్లో ఆయన పాల్గొననున్నారు. రాజ్భవన్లో కార్యక్రమ అనంతరం ఎస్ఆర్ నగర్లోని బాపు నగర్లో గల ఆయన స్వగృహానికి వెళ్లారు.
అంతకు ముందు శంషాబాద్ విమానాశ్రయం చేరుకున్న ఆయనకు హైకోర్టు ప్రధాన న్యాయమూర్తి జస్టిస్ హిమా కోహ్లీతో పాటు మంత్రులు కేటీఆర్, ఇంద్రకరణ్ రెడ్డి, తలసాని శ్రీనివాస్‌ యాదవ్‌, మహమూద్ అలీ సహా హైదరాబాద్ మేయర్ విజయలక్ష్మీ ఘనంగా ఆహ్వానం పలికారు. ఆ కార్యక్రమంలో ప్రభుత్వ ప్రధాన కార్యదర్శి సోమేశ్‌ కుమార్‌, డీజీపీ మహేందర్‌ రెడ్డి పాల్గొన్నారు.
ఇదీ చదవండి: సీజేఐగా తొలిసారి హైదరాబాద్కు జస్టిస్ ఎన్వీ రమణ
