చిక్కడపల్లి పోలీసుల దాతృత్వం.. వరద బాధితులకు ఆహారం

భారీ వర్షం తాకిడికి భాగ్యనగరం అతలాకుతలం అయిపోయింది. లోతట్టు ప్రాంతాలు, హుస్సేన్​ సాగర్​ పరిసర ప్రాంతాలు నీట మునిగాయి. ఈ నేపథ్యంలో చిక్కడపల్లి పోలీసులు తమ మానవతా దృక్పథాన్ని చాటుకున్నారు. నాలా పరివాహక ప్రాంతాల ప్రజలకు ఆహార పొట్లాలను అందజేశారు.

రెండు రోజులుగా కురుస్తున్న వర్షం కారణంగా వరద నీటిలో చిక్కుకున్న వారిని ఆదుకోవడానికి చిక్కడపల్లి పోలీసులు ముందుకు వచ్చారు. ముషీరాబాద్​ నియోజకవర్గంలోని హుస్సేన్​సాగర్​ నాలా పరివాహక ప్రాంత ప్రజలకు ఆహార పొట్లాలు పంపిణీ చేశారు. వర్షం కారణంగా ప్రజలు బయటికి రాకుండా అప్రమత్తంగా ఉండాలని పోలీసులు సూచించారు.

ఇదీ చదవండి: బలహీన వర్గాలపై ప్రభుత్వం వివక్ష చూపుతోంది: ఎమ్మెల్సీ జీవన్​రెడ్డి