హైదరాబాద్​ చేరుకున్న అక్బరుద్దీన్ ఒవైసి

ఎంఐఎం నేత, ఎమ్మెల్యే అక్బరుద్దీన్ ఒవైసి ఇవాళ ఉదయం తెల్లవారుజామున హైదరాబాద్​ చేరుకున్నారు. ఆయన ఆరోగ్యం మెరుగుపడింది. లండన్​లో 45 రోజుల చికిత్స అనంతరం కోలుకున్నారు.

చాంద్రాయణగుట్ట ఎంఐఎం ఎమ్మెల్యే, పార్టీ శాసనసభాపక్షనేత అక్బరుద్దీన్ ఒవైసి ఆరోగ్యం మెరుగుపడింది. గతంలో దాడి నేపథ్యంలో అనారోగ్యానికి గురైన ఆయన లండన్​లో 45 రోజులపాటు చికిత్స పొందారు. ఇవాళ తిరిగి హైదరాబాద్ చేరుకున్నారు. తెల్లవారుజామున అక్బరుద్దీన్ రాకతో అభిమానులు, కార్యకర్తలతో శంషాబాద్ విమానాశ్రయం కిక్కిరిసిపోయింది. అక్బర్​కు అనుకూలంగా నినాదాలు చేశారు. అక్కడి నుంచి నేరుగా బంజారాహిల్స్ రోడ్ నంబర్ 12లో ఉన్న ఆయన నివాసానికి చేరుకున్నారు.

ఇదీ చూడండి: పార్టీ కష్టాల్లో ఉంటే హరీశ్​ ఊపిరిపోశారు: కేసీఆర్​