కార్డులేకుండా నగదు తీసుకోండి

కార్డు లేకుండా ఏటీఎం నుంచి నగదు తీసుకునే వెసులుబాటు హైదరాబాద్​ పరిధిలోకి వచ్చింది. ఈ విధానంలో పదివేల రూపాయల వరకు ఏటీఎంల నుంచి ఉపసంహరణ చేసుకునే సౌలభ్యం స్టేట్​ బ్యాంక్ ఆఫ్​ ఇండియా.. తమ ఖాతాదారులకు అందుబాటులోకి తెచ్చింది.

కోఠిలోని ఎస్బీఐ ప్రధాన కార్యాలయంలో చీఫ్‌ జనరల్ మేనేజర్‌ స్వామినాథన్‌ కార్డు రహిత సేవలను ప్రారంభించారు. సైబర్‌ నేరాలకు అవకాశం లేని ఎంతో సురక్షితమైన విధానంగా ఈ పద్ధతిని ఆయన అభివర్ణించారు. దేశ వ్యాప్తంగా 16,500 ఏటీఎంల్లో ఈ సౌకర్యాన్ని అందుబాటులోకి తెచ్చామని స్వామినాథన్ తెలిపారు. ఈ 'యోనో' యాప్‌ను అన్ని ఎస్బీఐ ఏటీఎంల్లో అందుబాటులోకి తెస్తామని తెలిపారు.

ఎలా ఉపయోగించాలి....

ఆండ్రాయిడ్‌, ఐఓఎస్‌మొబైళ్లలో 'యోనో ఎస్బీఐ' యాప్‌ను డౌన్‌లోడ్‌ చేసుకోవాలి. ఒక యూజర్‌ ఐడీ, పాస్‌కోడ్‌తో పాటు మొబైల్‌ పిన్‌ నంబర్‌ను సృష్టించుకోవాలి. యోనో క్యాష్​ సౌకర్యం కలిగిన ఏటీఎంల వద్దకు వెళ్లి మొబైల్‌ పిన్‌ నంబరు కొట్టగానే నగదు ఎంత డ్రా చేయాలి అని అడుగుతుంది. ఎంటర్‌ చేయగానే రిజిస్ట్రర్డ్‌ మొబైల్‌ నంబరుకు వన్‌టైమ్‌ పాస్‌ వర్డ్‌ వస్తుంది. ఓటీపీ నమోదు చేయగానే నగదు బయటకు వస్తుంది.

ఇవీ చూడండి:ఆ రెండు రోజులు సంక్షిప్త సందేశాలు బంద్​