ఎన్టీఆర్​ జయంతి సందర్భంగా రక్తదాన శిబిరం

మాజీ ముఖ్యమంత్రి, సినీ నటుడు ఎన్టీఆర్​ జయంతి సందర్భంగా హైదరాబాద్​ ఎన్టీఆర్​ భవన్​లో తెదేపా నేతలు నందమూరి తారక రామారావుకు నివాళులర్పించారు. అనంతరం రక్తదాన శిబిరాన్ని ప్రారంభించి.. రక్తదానం చేశారు.

మాజీ ముఖ్యమంత్రి ఎన్టీఆర్​ జయంతిని పురస్కరించుకుని హైదరాబాద్​ ఎన్టీఆర్​ భవన్​లో మెగా రక్తదాన శిబిరాన్ని తెతెదేపా అధ్యక్షుడు ఎల్​ రమణ ప్రారంభించారు. అంతకుముందు ఎన్టీఆర్​ భవన్​లో ఉన్న ఆయన విగ్రహానికి తెదేపా నేతలు పూలమాలలు వేసి నివాళులు అర్పించారు.

పేదరిక నిర్మూలన, పేదలకు ఆహారభద్రత లాంటి చట్టాలు తయారుచేసినప్పుడే ఎన్టీఆర్​కు నిజమైన నివాళులర్పించనట్లని ఆయన అభిప్రాయపడ్డారు. ఎన్టీఆర్​ సినీపరిశ్రమంలో మకుటంలేని మహారాజుగా ఎదిగి... పేదలకు సేవచేయాలనే ఉద్దేశంతో తెదేపా స్థాపించిన గొప్ప వ్యక్తి అని ఎల్​ రమణ కొనియాడారు.

ఇవీ చూడండి: పత్తికి అదనంగా రూ.275 పెంచండి!