Bandi Sanjay Comments On TRS: ఎల్బీనగర్లో ఏళ్ల తరబడి పెండింగ్లో ఉన్న రిజిస్ట్రేషన్ల సమస్య పరిష్కారం కోసం ప్రభుత్వం జీవో జారీ చేయడాన్ని స్వాగతిస్తున్నట్లు భాజపా రాష్ట్ర అధ్యక్షుడు బండి సంజయ్ ఒక ప్రకటనలో పేర్కొన్నారు. కోమటిరెడ్డి రాజగోపాల్ రెడ్డి రాజీనామాతో ప్రభుత్వం దిగొచ్చిందన్నారు. ఇది భాజపా, బాధితుల విజయం అన్నారు. 8 ఏండ్లుగా అక్కడి ప్రజలు పడుతున్న బాధలు వర్ణనాతీతమని తెలిపారు.
బైపోల్లో తెరాస ఓటమి భయంతోనే ఈ జీవో జారీ చేసిందని అన్నారు. ఇకనైనా కుంటి సాకులు చెప్పకుండా వెంటనే జీవోను అమలు చేయాలని కోరారు. ఎన్నికల తరువాత పెండింగ్లో పెడితే కేసీఆర్ సర్కారు అంతు చూస్తామని హెచ్చరించారు. ఇండ్ల రిజిస్ట్రేషన్ల సమస్యకు పూర్తి పరిష్కారం దొరికే వరకు బాధితులకు భాజపా అండగా ఉంటుందని స్పష్టం చేశారు.
ఇవీ చదవండి:
