భాజపా ముఖ్యనేతల సమావేశం నేడు జరగనుంది. హైదరాబాద్‌లోని పార్టీ రాష్ట్ర కార్యాలయంలో బండి సంజయ్ అధ్యక్షతన జరగనున్న భేటీకి పార్టీ రాష్ట్ర వ్యవహారాల ఇంఛార్జీ తరుణ్ చుగ్, జాతీయ జాయింట్ జనరల్ సెక్రటరీ శివ ప్రకాశ్ హాజరుకానున్నారు.
పార్టీ ఎజెండా, రాష్ట్రంలో రాజకీయ పరిస్థితులు, పార్టీ బలోపేతంపై ఈ సమావేశంలో చర్చించనున్నారు. ప్రధాని నరేంద్ర మోదీ రాష్ట్రాల ఇంఛార్జ్లు ఆయా రాష్ట్రాలకు వెళ్లి సమావేశాలు నిర్వహించాలని ఆదేశించడంతో తరుణ్ చుగ్, శివప్రకాశ్ హైదరాబాద్కు వచ్చారు. నిన్న తరుణ్ చుగ్ పార్టీ రాష్ట్ర ప్రధాన కార్యదర్శులతో సమావేశం అయ్యారు. ముఖ్యనేతల సమావేశం అనంతరం తరుణ్చుగ్ మాజీ మంత్రి ఈటల రాజేందర్ను కలవనున్నారు.
