'సీఎం అన్ని గ్రామాలను అభివృద్ధి చేయాలి'

రాష్ట్రంలో తెరాస, కాంగ్రెస్​ కలిసిపోయాయని భాజపా జాతీయ ప్రధాన కార్యదర్శి మురళీధర్​రావు ఆరోపించారు. సీఎం అన్ని గ్రామాలను అభివృద్ధి చేయాలని డిమాండ్​ చేశారు. కర్ణాటకలో కుమారస్వామి ప్రభుత్వం చట్ట వ్యతిరేక నిర్ణయాలు తీసుకుంటుందని ధ్వజమెత్తారు.

ముఖ్యమంత్రి కేసీఆర్​ సొంత గ్రామాన్నే కాకుండా అన్ని గ్రామాలను అభివృద్ధి చేయాలని భాజపా జాతీయ కార్యదర్శి మురళీధర్​రావు అన్నారు. కర్ణాటకలో కుమారస్వామి ప్రభుత్వం మైనార్టీలో ఉన్నా చట్ట వ్యతిరేక నిర్ణయాలు తీసుకుంటుందని ఆరోపించారు. ప్రజాస్వామ్యాన్ని గవర్నర్​ రక్షించాలని అన్నారు. స్పీకర్​ తన అధికారాలను దుర్వినియోగం చేస్తున్నారని దుయ్యబట్టారు. తెలంగాణలో కాంగ్రెస్​, తెరాస రెండూ కలిసిపోయాయని ఎద్దేవా చేశారు. తెరాసకు ప్రత్యామ్నాయం భాజపానేనని పునరుద్ఘాటించారు.

ఇదీ చూడండి: వచ్చే ఎన్నికల్లో భాజపాదే అధికారం: కిషన్ రెడ్డి