హైదరాబాద్ ఫార్మా సిటీ అనుమతులపై పునరాలోచన చేయాలని కేంద్ర పర్యావరణ, అటవీ శాఖ మంత్రి జావడేకర్ని భువనగిరి ఎంపీ కోమటిరెడ్డి వెంకట్ రెడ్డి కోరారు. ఇవాళ దిల్లీలో కేంద్ర మంత్రిని కోమటిరెడ్డి కలిశారు. ఫార్మా సిటీ వల్ల చుట్టుపక్కల గ్రామాలు కాలుష్య కోరల్లో చిక్కుకుంటాయని విన్నవించారు. భూగర్భ జలాలు, గాలి కాలుష్యం అవుతాయని వివరించారు.
![bhuwanagiri-mp-komatireddy-venkatreddy-met-central-minister-javadekar-in-delhi](https://etvbharatimages.akamaized.net/etvbharat/prod-images/6385852_d.jpg)
కమిటీ వేయండి:
ప్రధానంగా చిట్యాల, పోచంపల్లి, చౌటుప్పల్, తదితర గ్రామాలపై ఫార్మా కంపెనీల ప్రభావం ఎక్కువగా పడుతుందని కోమటిరెడ్డి వెంకట్ రెడ్డి ఆందోళన వ్యక్తం చేశారు. ఫార్మా సిటీ ఏర్పాటుపై కేంద్ర పర్యావరణ శాఖ అధికారులతో ఓ కమిటీ వేయాలని విజ్ఞప్తి చేశారు. కమిటీ స్వయంగా ఫార్మా సిటీ ప్రాంతాన్ని సందర్శించి నివేదిక రూపొందించేలా చర్యలు తీసుకోవాలని కోరారు. కమిటీ నివేదిక ఆధారంగానే హైదరాబాద్ ఫార్మా సిటీకి అనుమతులు ఇవ్వాలని కోమటిరెడ్డి డిమాండ్ చేశారు.
ఇదీ చూడండి: కిస్కా జాగీర్ నహీ.. కిస్ కా బాప్కా బీ నహీ: భట్టీ