10th class paper leakage case: పదో తరగతి హిందీ ప్రశ్నపత్రం లీకేజీ కేసులో.. బీజేపీ రాష్ట్ర అధ్యక్షుడు బండి సంజయ్ రిమాండ్ రద్దుపై నేడు హైకోర్టులో విచారణ జరిగింది. ఈ ఫిటిషన్పై విచారణ ఈ నెల 21కి వాయిదా వేసింది. బండి సంజయ్ తన ఫోన్ను పోలీసులకు ఇవ్వడం లేదని... విచారణకు సహకరించట్లేదని ఏజీ ప్రసాద్ తెలిపారు. సంజయ్ ఇప్పటికే బెయిల్పై విడుదల అయ్యారని.. ఇప్పుడు కేసు దర్యాప్తులో ఆయన ఏమాత్రం సహకరించడం లేదన్నారు. ఏజీ వాదనలు పరిశీలించిన ధర్మాసనం.. ఈ అంశంపై అఫిడవిట్ దాఖలు చేయాలని హైకోర్టు ఆదేశించింది.
పేపర్ ఎప్పుడు లీకేజ్ అయింది: రాష్ట్ర వ్యాప్తంగా సంచలనం సృష్టించిన పదో తరగతి హిందీ ప్రశ్నపత్రం లీకేజీ కేసులో పోలీసుల విచారణ కొనసాగుతోంది. ఈ కేసులో బండి సంజయ్ని కరీంనగర్ జిల్లాలో అరెస్ట్ చేసి.. ఆ తర్వాత బెయిల్పై విడుదల అయ్యారు. ఈ నెల 4న హనుమకొండ జిల్లాలోని కమలాపూర్ జడ్పీ బాలుర ఉన్నత పాఠశాల నుంచి హిందీ ప్రశ్నపత్రం వాట్సప్ ద్వారా బయటకు వచ్చింది. ఈ విషయంలో పోలీసులు ప్రధాన సూత్రధారిగా సంజయ్ని భావించి ఏ1గా పేర్కొన్నారు. పోలీసులు బండి సంజయ్‌పై నేరపూరిత కుట్ర తదితర కేసులు నమోదు చేశారు.
సంజయ్ పిటిషన్ ఎందుకు వేశారు: దీంతో బండిని అరెస్ట్ చేసి ఈ నెల 6న హనుమకొండ న్యాయవాది ముందు హాజరుపరిచారు. మెజిస్ట్రేట్ ఆదేశాలతో ఆయనను రిమాండ్‌పై కరీంనగర్ జైలుకు తీసుకెళ్లారు.ఆ తరువాత సుదీర్ఘ వాదనల అనంతరం హనుమకొండ మెజిస్ట్రేట్ బండి సంజయ్‌కు బెయిల్ మంజూరు చేశారు. ఈ నెల ఏడో తేదీన ఉదయం ఆయన కరీంనగర్ జైలు నుంచి విడుదలయ్యారు. తనని తప్పుడు కేసులు పెట్టి అరెస్ట్ చేశారని ఆయన ఆరోపించారు. మెజిస్ట్రేట్ జారీ చేసిన రిమాండ్ ఆదేశాలను రద్దు చేయాలని.. హైకోర్టులో ఆయన పిటిషన్ దాఖలు చేశారు. ఇరువురి వాదనలు విన్న అనంతరం హైకోర్ట్ ప్రధాన న్యాయమూర్తి ఈ కేసును పదో తేదీకి వాయిదా వేశారు. దీంతో సంజయ్ రిమాండ్ రద్దుపై ఈరోజు హైకోర్టు విచారణ జరిగింది. మరలా ఈ విచారణను ఈ నెల 21కి వాయిదా వేసింది.
ఫోన్ పోయిందన్న బండి సంజయ్: తన మొబైల్ ఎక్కడో పడిపోయిందని బండి సంజయ్ కరీంనగర్ రెండో పట్టణ పోలీసులకు ఈ మెయిల్ ద్వారా ఫిర్యాదు చేశారు. తన సెల్ఫోన్ ఇప్పించాలని పోలీసులను కోరారు. బండి సంజయ్ని పోలీసులు పేపర్ లీకేజ్ కేసులో విచారణ జరిపినప్పుడు తన ఫోన్ ద్వారానే మెసేజ్లు వెళ్లాయని సీపీ రంగనాథ్ ఆరోపించారు.
ఇవీ చదవండి:
