సీఎన్జీ, ఎల్పీజీ సాయంతో నడిచే వాహనాలను టెస్టింగ్ చేయాలని వినియోగదారుల హక్కుల సంఘం ఆధ్వర్యంలో అవగాహన కార్యక్రమం చేపట్టారు. సికింద్రాబాద్లోని ఓ ఎల్పీజీ గ్యాస్ స్టేషన్లో వినియోగదారులకు వాటికి సంబంధించిన వివరాలను అవగతమయ్యేలా తెలియజేశారు. సీఎన్జీ సిలిండర్ మూడు సంవత్సరాలకు ఒక పర్యాయం మార్చాలని... ఎక్కువ కాలం వినియోగించడం వల్ల ప్రమాదాల బారిన పడే అవకాశం ఉంటుందన్నారు. భవిష్యత్తులో పూర్తిగా సీఎన్జీతో నడిచే వాహనాలు ఎక్కువగా వస్తాయని అందుకు అనుగుణంగా వాహనదారులకు కరపత్రాలు అందజేస్తున్నట్లు వెల్లడించారు.
సీఎన్జీ, ఎల్పీజీ వాహనాలు నడిపే వాహనదారులు టెస్టింగ్ విషయంలో నిర్లక్ష్యం వహిస్తున్నారని దాని వల్ల ప్రమాదాలు జరిగే అవకాశం ఉంటుందని చెప్పారు. ప్రభుత్వం వాటి కాలపరిమితి విషయంలో అవగాహన కల్పించడంలో విఫలమైందని అన్నారు.
ఇవీ చూడండి: 'నీరా'కు సమాయత్తం... ఇకపై పైసలు పదిలం!
