గంజాయిపై కన్నెర్ర... విక్రయ స్థావరాలపై దాడులు

మహానగరంలో గంజాయి విక్రయాలపై "ఈనాడు-ఈటీవీ భారత్"​ కథనంతో అధికారులు కదిలారు. దమ్మారో దమ్ పేరుతో ప్రసారమైన కథనాన్ని చూసిన సీపీ అంజనీ కుమార్... గంజాయి విక్రేతలపై కఠిన చర్యలు తీసుకోవాలని అధికారులను ఆదేశించారు.

భాగ్యనగరంలో విచ్చలవిడిగా జరుగుతున్న గంజాయి విక్రయాలపై ఈటీవీ భారత్​- ఈనాడులో వచ్చిన కథనాలపై హైదరాబాద్​ సీపీ అంజనీకుమార్​ స్పందించారు. గోల్కొండ, ఆసిఫ్ నగర్, హుమాయూన్ నగర్, మంగళ్ హాట్, కుల్సుంపుర, హబీబ్ నగర్ పోలీస్ ఠాణా పరిధుల్లో గంజాయి విక్రయ కేంద్రాలపై దాడులు నిర్వహించారు. ఈటీవీ-ఈనాడులో కథనంతో గంజాయి స్మగ్లర్లు అప్రమత్తమై పారిపోయారు. పోలీసులు వారి కుటుంబ సభ్యులను హెచ్చరించారు. గంజాయి విక్రయిస్తూ ప్రస్తుతం జైళ్లో ఉన్న లక్ష్మయ్య, నక్కా శ్రీను, దినేష్, రాజుసింగ్​లపై పోలీసులు పీడీ చట్టం ప్రయోగించారు. పీడీ చట్టానికి సంబంధించిన పత్రాలు చంచల్ గూడ జైలు అధికారులకు అందించారు. వీళ్లు ఏడాదిపాటు జైల్లోనే ఉండనున్నారు.

ఇదీ చూడండి: బీహెచ్​ఈఎల్​లో గంజాయి పట్టివేత