జగన్ ముఖ్య కార్యదర్శిని తప్పించాలని సీఎస్​కు ఎస్‌ఈసీ లేఖ

ఆంధ్రప్రదేశ్ ప్రభుత్వ ముఖ్య కార్యదర్శి ప్రవీణ్ ప్రకాశ్​​ను ఎన్నికల విధుల నుంచి తప్పించాలని ఏపీ ఎస్ఈసీ నిమ్మగడ్డ రమేశ్ కుమార్ ఆదేశించారు. ఏపీ సీఎస్ ఆదిత్యనాథ్​ దాస్​కు లేఖ రాశారు. ప్రవీణ్ ప్రకాశ్ ఏపీ ఎన్నికల విధుల్లో పాల్గొనకుండా చర్యలు తీసుకోవాలని ఆదేశించారు.

ఆంధ్రప్రదేశ్ ప్రభుత్వ ముఖ్య కార్యదర్శి ప్రవీణ్ ప్రకాశ్​​ను ఎన్నికల విధుల నుంచి తప్పించాలని ఏపీ ఎస్ఈసీ నిమ్మగడ్డ రమేశ్ కుమార్.. వైకాపా ప్రభుత్వాన్ని ఆదేశించారు. ఏపీ సీఎస్ ఆదిత్యనాథ్​ దాస్​కు లేఖ రాశారు. ప్రవీణ్ ప్రకాశ్ ఏపీ ఎన్నికల విధుల్లో పాల్గొనకుండా చర్యలు తీసుకోవాలని, వేరే ఏదైనా శాఖకు బదిలీ చేయాలని సీఎస్​ను ఆదేశించారు. తను సిఫార్సు లేఖలు పంపినా.. స్పందించని పలువురు ఉద్యోగులపై సకాలంలో చర్యలు తీసుకోవడంలో విఫలమయ్యారని లేఖలో తెలిపారు.

తన ఆదేశాలను పట్టించుకోలేదని..

ఈ నెల 23న కలెక్టర్లు, ‌ఎస్పీలతో వీడియో కాన్ఫరెన్స్ జరపకుండా చేశారని లేఖలో ఆరోపించారు. జీఏడీకి అధిపతిగా ఉన్న ప్రవీణ్ ప్రకాశ్ తన ఆదేశాలను పట్టించుకోలేదని లేఖలో వెల్లడించారు. ఈ కారణంగా ఎన్నికలను వాయిదా వేస్తూ రీషెడ్యూల్ చేయాల్సి వచ్చిందన్నారు. ఈ నెల 25న అభ్యర్ధుల నుంచి నామినేషన్ల స్వీకరణకు సహకరించలేదని లేఖలో వెల్లడించారు.

ఇదీ చదవండి: ఏం టేస్ట్ గురూ... కల్లు తాగిన మంత్రులు